Првпат во историјата најубава омажена жена на светот е Русинка (ФОТО)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Русинката Елена Максимова победи на меѓународниот избор на убавина „Мисис Универзум“, што се одржа во Софија (Бугарија) од 30 јануари до 5 февруари. Ова е прва победа на учесничка од Русија за 15 години колку што се одржува натпреварот (од 2007 година).

@maxelen

Согласно пропозициите, во натпреварот учествуваа 120 кандидатки од целиот свет - омажени, разведени или вдовици на возраст од 18 до 55 години. Елена има 34 години и е мајка на две деца. За неа ова не е прво појавување на подиумот пред жири, но не може да се каже дека таа е типична учесничка на натпревари за убавина.

Девојка од село

Се родила и пораснала во многудетно семејство во Удмуртија, во провинциската населба Гиа со 10.000 жители. Нејзиниот татко бил директор на локалната фабрика.

@maxelen

Според зборовите на нејзиниот соученик Игор, Елена на училиште била скромна, многу тивка и невпечатлива. Затоа нејзината победа изненадила многумина во родното село. „Колку што знам, таа не се занимаваше со танцување, пеење или манекенство. Нашето село е такво што во принцип немаше такви секции. Ние сме провинција“, вели тој.

„Лена секогаш се облекуваше многу едноставно, нејзината облека никогаш не ѝ ја истакнуваше фигурата, беше опуштена во однос на тоа прашање. А и момчињата не трчаа по неа како глутница...“, додава Игор.

Со идниот маж Иљја скромната девојка се запознала исто така на училиште. Во брак се осум години, имаат син и ќерка.

@maxelen

„Нејзиниот сопруг Иљја учеше во соседниот клас. Никој не знае како се гледале, сé беше тајно, бидејќи таа е многу скромна и не сакаше да се зборува за нејзиниот приватен живот“, вели нејзиниот соученик.

@maxelen

Сопствен бизнис и широко образование

Изборот во убавина „Мисис Универзум“ не е класичен натпревар на манекенки. Жирито ги избира финалистките откако учесничките ќе се претстават како личности, мајки и ќе покажат како се снашле во животот. Во овој поглед, достигнувањата на Елена се импресивни.

@maxelen

Елена има три високи образованија (од кои едното е магистратура во Лондон). Денес живее во Ижевск, главниот град на Удмуртија, каде што отвори мрежа училишта за јазици.

Нејзините интереси се исто така разновидни. Елена сака активен одмор и патувања. Веќе била во 34 земји и дури стана и професионален нуркач во Австралија. Признава дека изборите за убавина се исто така едно од нејзините хобија.

@maxelen

„Речиси секое мало девојче мечтае да учествува на избор за мис. Јас веќе не сум мала и не сум девојче. Мајка сум на две извонредни деца, сопруга и директорка. Но, тоа не ме спречи!“, вели Елена.

За да учествува на конкурсот за „Мисис Универзум“, Елена победи на натпреварот „Мисис Удмуртија“ и ја освои титулата „Втора придружничка на мисис Русија“.

Елена Максимова и директорката на конкурсот „Мисиз Русија на Светот“ ("Миссис Россия Мира") Ирина Кирсанова.

Пресс-служба Mrs.World.Russia

При користење на материјалите на Russia Beyond задолжителен е хиперлинк до изворот од кој е преземен материјалот.