- Ве очекуваме на Телеграм-каналот https://t.me/rb_makedonija
- Вклучете го во пребарувачот „Show notifications“ (дозволи известувања) за нашиот сајт!
- Пријавете се на нашата неделна мејлинг листа
Во своето деби во американската промоција на мешани боречки вештини „Белатор“, ММА-борецот Дијана Авсарагова ја шокираше публиката со нокаут што ѝ го зададе на противничката со неверојатна серија удари.
„Дијана АвсарагоБУМ!" – извика коментаторот на неверојатниот меч на 22-годишната спортистка со осетинско потекло.
Со пет борби и пет победи досега, Дијана се искачи на десеттото место на листата на „Белатор“ во женската мува категорија.
Покрај тоа што е талентиран борец со совршен рекорд од 5-0, Дијана е и убавица со огромни следбеници на „Инстаграм“. Од јули 2022 година нејзината страница има над 320 илјади следбеници.
Меѓу обожавателите на ММА таа е позната како „Пантера“ и овој прекар ѝ прилега совршено бидејќи Дијана изгледа и грациозно и во исто време убиствено.
Родена е на 7 август 1998 година во Северна Осетија. Нејзиниот татко се занимавал со борење, но предвреме ја завршил кариерата поради повреда. И мајка ѝ сакала да се занимава со спорт, но родителите не ѝ дозволиле. Сепак, токму на предлог на нејзината мајка Дијана го избрала борењето.
Покрај борењето, таа се занимавала и со мечување, туркање на рака, кик-бокс и танцување.
Раниот успех во аматерското борење ѝ го отвори патот на Дијана до професионалните борбени шампионати. Во 2014 и 2015 година таа освои бронзен медал на две руски првенства во борење во слободен стил кај девојките во категоријата до 60 килограми. Беше и повеќекратна победничка на разни турнири.
Дијана тренира и во Северна Осетија и во Москва. Во главниот град на Русија таа помина пет години тренирајќи во специјален камп за борци, пред да се врати во родната Северна Осетија.
На 19-годишна возраст Дијана дебитираше во професионалните борби во Русија и по два настапа во својата татковина таа потпиша договор со американскиот промотер „Белатор“.