На снимките скриени во маглата се појавуваат реката Москва, облакодерите на деловниот центар и неколку големи паркови. Московјаните истакнуваат дека видливоста на патиштата е значително намалена, а во комбинација со уличното осветлување маглата предизвикува специфичен ефект.
„Мистика“, „хорор-филм“ – така граѓаните ги коментираат фотографиите. И истакнуваат дека одамна не виделе во градот толку густа магла.
Според прогнозата на метеоролозите, маглата во Москва ќе се крене дури на 2 ноември во претпладневните часови. Дотогаш видливоста на патиштата нема да биде поголема од 200-700 метри. На возачите и пешаците им се препорачува претпазливост.
На сите три московски аеродроми - Внуково, Домодедово и Шереметјево – утринава поради магла беа одложени или откажани повеќе од сто летови.