Фјодор Емелјаненко на обновената ранг-листа на најдобри борци на организацијата Bellator

Американскиот промотер Bellator ја ажурираше ранг-листата на борци во мешовити боречки вештини (ММА) во тешка категорија, се наведува на веб-страницата на организацијата.

На листата на најдобри спортисти се врати Фјодор Емелјаненко. Русинот се најде на третото место. На второ место е Французинот Чејк Конго, а на прво место Американецот Рајан Бејдер. Неодамнешниот ривал на Емелјаненко, Американецот Тимоти Џонсон, се пресели од второто на четвртото место.

Џонсон во саботата, 23 октомври, беше поразен од Емелјаненко на турнирот Bellator 269 во Москва. Русинот го нокаутираше ривалот во втората минута од првата рунда, по серија удари во глава. Пред оваа борба Емелјаненко не беше меѓу првите десет спортисти во својата категорија на ранг-листата.

Четириесет и петгодишниот Емелјаненко, кому ова му е прва борба по 2019 година, има 40 победи и шест порази на професионален план. Покрај тоа, еден натпревар беше прогласен за неважечки.

При користење на материјалите на Russia Beyond задолжителен е хиперлинк до изворот од кој е преземен материјалот.