Американецот Џонсон за поразот со нокаут од Русинот Емелјаненко: Фјодор удира силно како камион

KEIZO MORI / AFLO/Global Look Press
Американскиот борец Тимоти Џонсон го коментираше поразот што го претрпе на мечот со Русинот Фјодор Емелјаненко, попознат по прекарот Последниот император.

„Огорчен сум. Вложив многу напори на подготовките во кампот и разочаран сум од самиот себе. Планот беше Фјодор да се држи на дистанца и во одреден момент да тргне со удари. Меѓутоа, на крајот во една размена на удари пропуштив многу. Ќе видиме што ќе биде понатаму. Фјодор е многу искусен борец и не е толку бавен како мене. Бев многу блиску да го дофатам со десна рака, но не успеа. Капата долу. Разочаран сум, но нема да очајувам, тоа се случува и во тешка категорија. Тргнав да разменувам удари и загубив, а тој погоди право во целта.

Дали Фјодор го има најтешкиот удар од сите мои ривали? Би рекол дека е најпрецизен. Да, невешто удирав, но сепак упатив неколку добри удари. Фјодор удира силно. Силно како камион. Меѓутоа, сите знаат кој е Фјодор и колку силно удира. Тој е експлозивен, а покрај тоа уште и прецизен. Ме удри директно во вилицата, таму каде што треба да удирате за да го исклучите противникот. Ми нанесе удар точно каде што сакаше“, изјави Џонсон во интервју за јутјуб-каналот „Ушатајка“.

Борбата меѓу Емелјаненко и Џонсон се одржа во саботата, 23 октомври, во рамките на турнирот „Bellator 269“ во Москва. 45-годишниот Русин го нокаутираше противникот уште во првата рунда и со тоа ја забележа 40-та победа во кариерата.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња