По јавните апели сибирските шумски пожари станаа приоритет

Масивни пожари уште еднаш ги погодија Сибир и рускиот Далечен Исток летово. Пожарот се прошири на огромна површина од над 30000 квадратни километри и чадот покри многу големи градови во регионот.

Пожарите можат да се видат од вселената, но сепак се водеа дебати меѓу официјалните лица и јавноста за тоа дали е потребно државата да се ангажира во гаснењето на истите.

Одекот во медиумите го сврте вниманието на јавноста кон проблемот и превагнаа гласовите на оние кои се залагаат за активно сузбивање на пожарите.

Претседателот на Русија ѝ нареди на војската да ги здружи напорите со локалните пожарникари и владата вети дека ќе издвои 6 милијарди рубли (91,6 милиони долари) за таа намена.

Во меѓувреме, авионите и хеликоптерите секојдневно се во мисии за гаснење на пожарите. Нови видеа и фотографии постојано се појавуваат на интернет.

Војската префрли 10 авиони Ил-76 и 10 воени хеликоптери на аеродромот во Краснојарск за да се борат со пожарите.

Еден авион АН-26 полета од аеродромот во Иркутск со необична задача: вештачки да предизвика дожд во регионот со прскање на неорганското хемиско соединение сребро јодид во облаците.

И Бе-200, познатиот амфибиски авион, учествува во гасењето.

Погледнете уште неколку фотографии: 

Прочитајте повеќе: Зошто беснеат пожари во Сибир?