Другар за шарпланинецот Паша: Претседателот на Туркменистан му подари на Медведев расно кученце

Претседателот на Туркменистан Гурбангули Бердимухамедов му подари на рускиот премиер Дмитриј Медведев кученце на средноазиски овчар алабај.

Медведев е од вчера во посета на Туркменистан каде што денес се одржува седница на Советот на премиери на Заедницата на независни држави.

Гурбангули Бедимухамедов лично го повози Медведев во стара „Волга“, ГАЗ-21.

И рускиот претседател Владимир Путин пред две години доби на подарок средноазиски овчар по името Верни од својот туркменистански колега.

А Медведев уште во 2008 година, кога беше претседател на Русија, доби од туркменистанскиот лидер алабај по името Акбаш. Потоа во неговиот дом се појавија и други кучиња: три англиски сетери и еден златен ретривер.

Путин, освен алабајот Верни, ги има и бугарскиот овчар Бафи, женката од расата акита-ину Јуме, и шарпланинецот Паша.

Руските новинари за кученцето Паша: Ќе биде паметно и верно куче, но со тврдоглав карактер