Претседателот на Русија Владимир Путин го потпиша указот со кој Министерството за развој на Далечниот Исток е преименувано во Министерство за развој на Далечниот Исток и Арктикот и доби низа нови функции. Стручњаците сметаат дека не станува збор просто за бирократски потег, туку фактички за почеток на освојувањето на арктичките територии и акватории.
Конкретно, современиот управувачки кадар треба да го оствари она за што осумдесет години мечтаеја истражувачите и јунаците на поларните експедиции и да го воспостави Северниот морски пат, пишува порталот на деловниот весник „Взгљад“.
Текстот на указот е објавен на порталот за правни информации. Според пишувањето на медиумите, ваквата мерка ќе придонесе за ефикасноста на државната управа во арктичката зона и ќе го оптимизира развојот на северните региони.
Министерство ќе работи на формулирање на државната политика и создавање нормативно-правна регулатива во сферата на развој на Арктичката зона на Русија, пренесува „Взгљад“.
Владата на Русија е обврзана наредните три месеци да ги дефинира овластувањата на министерството и да спроведе негова реорганизација доколку е потребно.
Владимир Путин минатиот месец го поддржа предлогот на премиерот Дмитриј Медведев за воведување на функцијата прв-заменик министер за развој на Далечниот Исток, одговорен за Арктичката зона, како и за преименување на министерството.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче