ФИФА направи спот во траење од 45 секунди кој ги претставува единаесетте руски градови-домаќини на Светското првенство во фудбал и кој ќе се прикажува на телевизија пред секој натпревар. Гледачите, меѓутоа, забележаа нешто чудно: на едната од кулите на Кремљ стои крст место црвена ѕвезда.
За да биде приказната уште поинтересна, треба да се знае дека крстови никогаш не ги краселе кулите. Пред петокраките на врвовите стоеле позлатени двоглави орли.
Корисниците на социјалните мрежи веднаш почнаа да се шегуваат. Едни велат дека крстовите ги симболизираат гробиштата на руската репрезентација, а други се прашуваат дали стравот од СССР е сѐ уште толку голем што морало да се тргнат ѕвездите?