„Русите ќе испијат повеќе од вас!“: Англичаните добија упатство за однесување на СП во фудбал 2018

Изданието пред сѐ ги предупредува читателите дека треба контролирано да консумираат алкохол. „Ние, Британците, сме познати по тоа што немаме сопирачки кога се работи за пиење, а Русија е позната по вотката. Ако ги комбинираме едното и другото се добива смртоносна комбинација“, предупредува таблоидот.

„Сан“ им советува на навивачите да не пијат на празен стомак, да бидат подготвени да ја кренат чашата за многу здравици и да не мешаат вотка со пиво!

Па сепак, треба да се очекуваат непријатни последици од мамурлакот, се вели во статијата. Таблоидот им советува на Англичаните да се угледаат на Русите кои, наводно, го лечат мамурлакот со чорба наречена боршч. И, она што Британците никако не смеат да го прават е да се натпреваруваат со Русите во пиење.

„Тоа е друга култура на пиење алкохолни пијалаци. Тие ќе испијат повеќе од вас“, пишува во статијата.

imago sportfotodienst

На Англичаните исто така им се укажува дека треба да се собујат пред да влезат во туѓа куќа, да им ослободат место на постарите лица во јавниот превоз и да не се однесуваат нападно спрема минувачите на улица.

А нам ќе ни биде особено интересен овој детаљ: на однесување во Русија Англичаните ги учи стручњак од туристичкиот бизнис кој се вика Горан Пилиповиќ. 

Прочитајте повеќе: Во Москва отворен центар за сместување на фудбалски навивачи на Светското првенство 2018 година

При користење на материјалите на Russia Beyond задолжителен е хиперлинк до изворот од кој е преземен материјалот.