Погледнете како изгледа од вселената Кримскиот мост во завршницата на изградбата

Anton_Astrey/twitter.com/Global Look Press
Рускиот космонаут Антон Шкаплеров објави фотографии на Кримскиот мост кои ги сними од Меѓународната вселенска станица.

Шкаплеров, еден од космонаутите кои во моментов се наоѓаат на МВС, објави на „Инстаграм“ неколку фотографии од Кримскиот полуостров и Кримскиот мост во изградба кој со патната делница веќе ги спои Крим и Краснодарскиот крај.  

„Ќе продолжам да ја следам од вселената изградбата на мостот која, инаку, ги надмина плановите. Мостот веќе во мај ќе биде отворен за сообраќај на патнички автомобили и автобуси, токму за почетокот на сезоната“, напиша тој.

Градителите на Кримскиот мост се потрудија да ја завршат друмската делница на мостот пред почетокот на туристичката сезона со што ќе ја поттикнат посетеноста на полуостровот. Крајот на работите на железничкиот мост и првите возови се очекуваат кон крајот на следната година, како што е предвидено според планот, додека по друмската делница првите автомобили и автобуси ќе поминат веќе во втората половина на мај, што е осум месеци пред рокот. Товарните возила ќе им се придружат кон крајот на октомври, да не ја „расипуваат“ туристичката сезона.

Прочитајте повеќе: Путин најави отворање на Кримскиот мост во 2018 година

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња