Странските фудбалски навивачи сега можат да здивнат, затоа што користењето на московското метро за време на Светското првенство во фудбал ќе биде многу едноставно. Така впрочем вели теоријата. Стотици благајни ќе имаат персонал кој зборува англиски и кој ќе носи огромни стикери со натписот: „Ние зборуваме англиски!“ Вработените во метрото ќе им бидат на располагање на гостите на главниот град за да им покажат кои билети за метрото треба да ги купат, како да ги дополнат картичките „Тројка“, но и да им одговорат на сите недоумици. Во моментов околу 340 членови на персоналот кои зборуваат англиски работат на 76 метро станици. А додека да почне Светското првенство нивниот број ќе достигне 400.
Единаесет руски градови ќе бидат домаќини на натпреварите на Светското првенство од 15 јуни до 15 јули.