„Лежечките облакодери“ – најдолгите згради во Русија

Додека повеќето земји се натпреваруваат која ќе ја направи највисоката зграда, Русија се труди да ја направи најдолгата. Замислете си само како би изгледале овие конструкции доколку беа вертикални.

7. „Бродот“, Москва – 400 метри

Наталија Носова

Оваа огромна станбена зграда во Големата Тулска улица жителите ја нарекуваат „Бродот“ поради нејзиниот облик. Со децении овој објект се издвојува меѓу другите помали згради и изгледа како туристички брод кој плови по море. Тоа е масивна сива 13-катна зграда направена 1980 година. Има 980 станови и е долга 400 метри. Се зборува дека во неа има и неискористени станови со прозорци, но кои не се достапни.

6. Козловлеви згради, Самара – 660 и 590 метри

Наталија Носова

Овој пар огромни соседни станбени згради се наоѓа на Лениновиот проспект во Самара. Велат дека зградите се направени за работниците на градежната фирма под раководство на инженерот Дмитриј Козлов. Секоја има преку 20 влеза/

5. Лежечкиот облакодер, Москва – 736 метри

Наталија Носова

Оваа „хоризонтална кула“ (Варшавски пат, 125) е толку долга што од градските автобуси застануваат на три места покрај неа. Во зградата се наоѓа научноистражувачки центар за компјутерска техника, како и низа други деловни простории. Зградата е направена во текот на 1970-те.

4. Станбена зграда, Санкт Петербург – 1100 метри

Наталија Носова

Во Санкт Петербург постои зграда подолга од еден километар. Се наоѓа на Новосмоленски кеј бр. 1 и се протега до Улицата на бродоградителите. Тоа е навистина впечатлив објект.

3. Големиот московски ѕид – 1100 метри

Наталија Носова

На северот на Москва се наоѓа најдолгиот станбен комплекс во  главниот град на Русија. Шест згради сочинуваат еден објект кој личи на минијатурен Кинески ѕид. Првично е направен за работниците на фабриката „Трансмаш“. Се протега по должината на целата улица.

2. Зградата „полжав“, Волгоград – 1140 метри

Наталија Носова

Изгледа како обична осумкатна зграда, а всушност е еден од најдолгите објекти во Русија. Изградена е во текот на 1970-те, има околу 1400 стана од кои некои се наоѓаат дури и во пристанишните премини. Целиот овој станбен комплекс може да се види само одозгора затоа што зазема цел кварт и спирално се вовлекува кон центарот како куќичка на полжав.

1. Зграда за сите, Мурманск – 1488 метри

Наталија Носова

Овој станбен комплекс е долг 1,5 километри, се наоѓа во Беринговата улица и потсетува на саќе. Уникатниот облик го штити од ветрот, што е од витална важност на северот на Русија. Во него се наоѓаат продавници, училиште и стадион.

Прочитајте повеќе за Сталиновите „Седум сестри“: 5 факти за московските облакодери кои веројатно не сте ги знаеле

При користење на материјалите на Russia Beyond задолжителен е хиперлинк до изворот од кој е преземен материјалот.