Видео: Руски возач поминал цела недела во кабината на камион кој замрзнал во река

Инцидентот се случил на патот кон местото Нови Ургал во Хабаровскиот крај. При преминувањето на реката товарното возило паднало и го скршило мразот. Иако водата не била длабока, возачот и совозачот самите не успеале да го извлечат камионот. А уште покомплицирана ја направило ситуацијата тоа што немало сигнал за мобилна телефонија.

На крај возачот останал во возилото, а неговиот колега пеш се упатил по помош до најблиската населба оддалечена околу 30 километри. Меѓутоа, пред да пристигне помошта, камионот замрзнал во реката.

Успеале да го извлечат дури по недела дена и тоа со помош на „Камаз“ и загревање на тркалата со топлотни пиштоли. Возачот целото време го поминал во кабината на својот камион.

Прочитајте повеќе: Мост во Сибир попушти под шлепер

При користење на материјалите на Russia Beyond задолжителен е хиперлинк до изворот од кој е преземен материјалот.