Како да испечете носталгично Ленинградско печиво со богат крем (РЕЦЕПТ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Во советско време московјаните копнееја по колачите што ги правеше слаткарницата „Прага“, но во Ленинград луѓето беа привлечени од асортиманот на слатки и вкусни задоволства што ги правеше „Север“.

Слаткарницата „Север“ не работеше за време на 872-дневната нацистичка опсада, таа се издигна од пепелта во 1944-1946 година. Овој препород го предводеше Викторија Татарскаја, брилијантен инженер за производство на храна која добро ги искористи своето знаење и стручност за да помогне во подемот на слаткарницата во новата, мирна ера.

Благодарение на нејзините извонредни способности, за прв пат се појавија легендарни колачи како „Ленинградски“, „Бела ноќ“, „Лунар“, „Норд“, „Словенски“ и „Аурора“. Имаше и „Ленинградско печиво“, како и „Север“ и „Невски“, кои исто така се еден вид печиво. Сите горенаведени дебитираа во повоената ера, надевајќи се дека ќе ги инспирираат жителите на Ленинград со изгледите за посреќна иднина и брзо закрепнување по завршувањето на нацистичката опсада.

Значи, што го прави Ленинградското печиво особено интересно за сладокусците? Пред сé, сосема се разликува од познатата Ленинградска торта - торта од бисквити со чоколадо и лешник. Ленинградското печиво е сложена комбинација од два вида тесто - лиснато тесто и тесто за крем. Кога се комбинира со богатиот крем внатре, речиси потсетува на сладолед. Како резултат на тоа, добиваме софистицирано печиво, слично на профитерол, со фил од сладолед во срцето. Ајде да се обидеме да го направиме овој деликатен и вкусен десерт дома!

Состојки за 18 ленинградски печива:

За млечното кремасто тесто:

• Млеко - 125 мл
• Вода - 125 мл
• Пченично брашно - 150 г
• Јајца - 4-5 парчиња
• Путер - 100 г
• Прстофат сол 

За долниот слој:

• Лиснато тесто без квасец - 500 г 

За кремот:

• Слатка павлака (33% масти) - 250 мл
• Јајца - 2 парчиња
• Млеко - 500 мл
• Шеќер - 170 г
• Пченично брашно - 40 г
• Ванилин шеќер - 8 г
• Шеќер во прав - 1/2 лажица

Подготовка:

1.  Ќе започнеме со подготовка на кремастото тесто. Загрејте го млекото во тенџере, доведувајќи го речиси до вриење.

2. Во посебна чинија се матат јајцата, шеќерот и ванилин шеќерот.

3. Додајте го брашно внимавајќи да нема грутчиња.

4. Врелото млеко полека сипувајте го во смесата од јајца, со постојано мешање.

5. Вратете ја смесата во тенџерето, засилете го огнот на средна јачина и мешајте додека не достигне точка на вриење; потоа варете уште 1 минута. Тргнете ја од огнот.

6. Топлиот крем оладете го така што ќе го ставете тенџерето во ладна вода. Кога ќе се олади, прекријте го со проѕирна фолија и ставете го во фрижидер.

7. Сега продолжуваме со варење на кремастото тесто. Во тенџере измешајте ги млекото, водата, солта и путерот. И смесата доведете ја до точка на вриење.

8. Брзо додајте го целото брашно, мешајќи додека не стане мазно.

9. Намалете го огнот и тргнете го кога тестото ќе се формира во грутка. Оладете го 5 минути.

10. Постепено додавајте ги јајцата едно по едно за да добиете мазно, сјајно тесто.

11. Сега ја подготвуваме базата од лиснато тесто. Лиснатото тесто расукајте го во квадрат од 30 цм. Исечете ги рабовите и поделете го на квадрати со големина 10 х 10 цм.

12. Ставете ги во плех за печење. Додајте лажица крем во средината на секој квадрат.

13. Подигнете ги краевите на лиснатото тесто, полека притискајќи го кремот. Печете на 180°C 40-50 минути без да ја отворите рерната. Печените колачи изладете ги.

14. Да го подготвиме кремот. Изматете ја добро изладената павлака. Во текот на овој процес додајте шеќер во прав за поубава текстура.

15. Постепено додавајте го кремот, добро, но полека мешајќи. Резултатот треба да биде кадифен крем сличен на сладолед.

16. Да ги составиме печивата. Исечете мало дупче во средината на секое. 

Наполнете ги со кремот со помош на кесе за печиво или со импровизиран метод.

17. Посипете го печивото со шеќер во прав за финално уживање.

Уживајте!