Како Советите ја претворија бонбоната „Гускини стапалки“ во торта со вишни (РЕЦЕПТ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Еден од најдобрите и најпознатите слаткари во Руската империја беа „Абрикосов и синовите“. Оваа фабрика беше позната не само по квалитетните производи, туку и по својот иновативен пристап кон рекламата. Имено, основачот Алексеј Абрикосов ги ангажирал најдобрите уметници да креираат посебен дизајн на пакувањето. (Дознајте: Кои слатки најмногу ги сакале децата пред револуцијата?)

Абрикосов смисли интересно име за рекламирање на карамели со полнење од ореви: „Гускини стапалки“ или „Гусиние лапки“ на руски. Тие брзо се здобија со популарност кај децата.

Олга Бровкина

Во втората половина на ХХ век советските слаткари ја проширија својата палета на производи и создадоа сосема нови видови торти и слатки. Се појавија над илјада нови торти, печива, колачи и бисквити.

Името на оваа торта „Гускини стапалки“ е преземено од добро познатата бонбона. Сепак, името не влијаеше на составот на тортата. И додека главна состојка на бонбоните се јаткастите плодови, слаткарите за тортата избраа вишни и чоколадо, а за основа зедоа воздушест пандишпан.

Тортата „Гускини стапалки“ се продаваше во централните продавници за слатки. Беше особено омилена за сервирање на свадби и годишнини. Тортата изгледаше необично: како издолжен правоаголник поделен на сегменти. Секој сегмент имаше различно обоена чоколадна глазура. На глазурата се нанесуваше украс во форма на гускини стапалки. Тортата тежеше од 6 до 8 килограми.

Ајде да направиме домашна верзија на оваа вкусна торта од советската ера.

Состојки (за 8 лица):

Олга Бровкина

За пандишшан со пречник 20 см:

Јајца – 2 пар.

Брашно - 60 g

Шеќер - 60 g

Ванилин шеќер – око 10 g

Сол – прстофат

Фил:

Путер - 300 g

Шеќер - 180 g

Слатка павлака 35% - 100 g

Какао - 35 g

Коњак - 30 ml

Фил од вишни:

Замрзнати вишни - 200 g

Коњак - 50 g

Сируп:

Вода - 50 ml

Шеќер- 50 g

Сок од вишни натопени во коњак

Глазура:

Чоколада - 100 g

Масло - 40 g

Трошки од бисквити за декорација - 100 g

Начин на подготовка:

За почеток сипете го коњакот во вишните и оставете ги да киснат 4-5 часа или преку ноќ.

Јајцата се матат со миксер додавајќи прстофат сол додека не станат целосно хомогени. Потоа на јајцата додадете шеќер и ванилин шеќер. Масата се мати со голема брзина додека не стане пенаста.

Олга Бровкина

Сега сипете го просеаното брашно во масата од јајца и силно и внимателно измешајте.

Олга Бровкина

Сипете го тестото во подготвениот калап и печете го во претходно загреана рерна 20-25 минути на 180°C. Можете да користите чепкалка за заби за да проверите дали е готово. Кога ќе го прободете тестото, а чепкалката остане сува, тестото е печено.

Олга Бровкина

Пандишпанот треба внимателно да се извади од калапот и да се излади до собна температура; потоа завиткајте го во пластична фолија и ставете го во фрижидер неколку часа или преку ноќ.

За филот најпрво сварете го сирупот: во мало тенџерче измешајте го шеќерот со слатката павлака и варете додека не се растопи шеќерот.

Кога сирупот ќе зоврие, исклучете ја ринглата и додајте коњак; добро измешајте и префрлете ја смесата во чинија. Штом сирупот се олади на собна температура, ставете го во фрижидер еден час.

Олга Бровкина

Извадете го путерот од фрижидер и оставете го да се загрее на собна температура. Се мати со миксер на најголема брзина 2-3 минути.

Олга Бровкина

Потоа, малку по малку во путерот додавајте го сирупот, матејќи секој пат со миксер.

Олга Бровкина

Во оваа маса просејте го какаото во прав.

Олга Бровкина

Промешајте со шпатула, па матете со миксер додека не стане мазно. Би требало да добиете многу фин и вкусен чоколаден фил.

Олга Бровкина

Направете го сирупот за натопување на корите. Процедете го сокот од вишни. Сипете ја водата во сокот од вишни и додајте шеќер. Ставете го сирупот на оган и оставете го да зоврие. Тргнете го сирупот од оган и изладете го на собна температура.

Пандишпанот пресечете го на половина и двете половини натопете ги во сирупот. Оставете го на страна 30 минути.

Олга Бровкина

Ставете ја првата кора на тацна за сервирање. Преку неа ставете ги вишните.

Олга Бровкина

Ставете го калапот околу кората. Околу 5 лажици од филот тргнете на страна за декорација, а остатокот премачкајте го врз првата кора.

Олга Бровкина

Ставете ја втората кора преку филот и премачкајте со неколку лажици фил. Тргнете го калапот и премачкајте ги со уште неколку лажици фил  страните на тортата. Ставете ја тортата во фрижидер еден час да се стегне.

Страните на колачот посипете ги со бисквитните трошки по ваш избор.

Олга Бровкина

Растопете ги путерот и чоколадото, но внимавајте да не се прегрее. Промешајте со лажица. Прелијте ја глазурата преку тортата и израмнете ја.  

Олга Бровкина

Олга Бровкина

Преостанатиот фил ставете го во кеса за декорирање и украсете ги рабовите на тортата. Додајте и гускини траги. Тортата треба да се лади уште 20 минути.

Олга Бровкина

Тортата има основен фил од путер кој прилично се стврднува во фрижидер. Затоа, пред сервирање, тортата треба да се загрее на собна температура (за ова се потребни 30-40 минути).

Олга Бровкина

Уживајте во овој прекрасен деликатес!

При користење на материјалите на Russia Beyond задолжителен е хиперлинк до изворот од кој е преземен материјалот.