Не пропуштајте!
Придружете се на Russia Beyond на Телеграм за повеќе есклузивни содржини
Необичната комбинација на слатки јаболка и солено свинско месо во руската старинска чорба е нешто што ќе им се допадне на повеќето луѓе. И морам да признам дека и мене ми се допаѓа. Во исто време, ова кулинарско уметничко дело може да се подготви во класични садови од леано железо, без разлика дали тоа е тенџере на шпорет на дрва или котле над логорски оган. Исто така, оваа чорба брзо и лесно се подготвува во комфорот на современата кујна во масивен пекач од леано железо или дури и во обичен лонец.
Старинската чорба од јаболка и свинско месо заситува и е ароматична, па затоа претставува идеална закрепнувачка храна за сивите денови ноември и декември кога јаболката и кромидот ги има во изобилство. Тоа е и време на традиционалното колење на свињи. Но, за разлика од нашите баби, денес потребните состојки ние ги набавуваме во продавниците.
Старата руска кујна покажува чувство за необични комбинации на состојки кои можат да бидат изненадување за модерното непце. Иако многумина од нас се запознаени со добро воспоставената практика на комбинирање на масното месо со кисели додатоци за подобрување на вкусот, невообичаено е тоа што овој метод се користи при подготовка на чорба. Меѓутоа, благодарение на оваа комбинација, јадењето се вари полесно и има блага кисела нота. Но, сè со мера. Пробајте самите.
1. Најпрвин свинското месо се сече на ситни парчиња големи колку залак.
2. Загрејте пекач или тиган на средна температура и додајте малку масло. Внимателно ставете ги во маслото парчињата свинско, пржете додека не поруменат и убаво не се испржат. Тоа би требало да трае околу 10-15 минути. Извадете го свинското месо и оставете го на страна.
3. Ситно исечкајте ја големата главица кромид и додајте ја во маслото од печењето на месото. Динстајте го кромидот додека не стане проѕирен и малку карамелизиран, што би требало да трае околу 5 минути. Извадете го кромидот од тиганот и оставете го на страна.
4. Излупете ги и исечете ги компирите и морковот на парчиња со големина на залак. Оставете ги на страна.
5. Испрженото свинско месо ставете го во голем лонец за чорба. Додајте вода и загрејте додека не зоврие. Намалете го огнот и оставете да се вари околу 30 минути. Потоа додајте ги пржениот кромид, компирите и морковите. Продолжете да готвите уште 15-20 минути додека зеленчукот не омекне.
6. Додека свинското месо и зеленчукот се варат, исечкајте ги јаболката на ситни парчиња и оставете ги на страна. Белите и светлите делови од празот исечкајте ги на прстени.
7. Во посебен тиган додајте малку масло и загрејте го до средна температура. Додајте ги празот и јаболката. Динстајте ги заедно неколку минути или сé додека јаболката не омекнат и малку се карамелизираат.
8. Кога јаболката и празот ќе бидат готови, додајте ги во чорбата со свинско месо и зеленчукот. Оставете ја чорбата да се вари уште 10 минути за да ги прими вкусовите. За тоа време додајте сол и бибер по вкус.
9. Кога ќе се свари чорбата и ќе омекнат сите состојки, можете да ја послужите. Сипете ја во чинии и уживајте во оваа прекрасна комбинација на вкусови!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче