Не пропуштајте!
Придружете се на Russia Beyond на Телеграм за повеќе есклузивни содржини
Во сончевиот Кубанскиот регион на југот на Русија, каде што полињата се протегаат до хоризонтот и богатството на природата цвета, доминира скромната тиква. Овде позната како кабак (а не тиква како во останатиот дел од земјата), му го даде името на популарното јадење - „кабаш каша“. Овој ценет рецепт го пренесува генерации козачки готвачи.
Популарниот рецепт бара слатки, градинарски тикви, исечени на живописни портокалови коцки. Овие златно-портокалови богатства потоа се редат во тенџере, нежно се преливаат со кубански ориз или просо и се посипуваат со шеќер. Кога ќе заврши редењето, тенџерето се полни со топла вода или млеко, а садот се става во рерна каде трпеливо се крчка неколку часа.
Додека волшебната арома се шири низ кујната, времето како да забавува, а исчекувањето расте. Кога јадењето е конечно подготвено, внимателно се става во длабок сад и потоа се прелива со обилно парче домашен путер. Да уживаме во вкусовите на оваа козачка тиква.
1. Почнете со подготовка на оризот. Исплакнете го добро со ладна вода, па ставете го во тенџере со вода во сооднос 1:2 (120 гр ориз на 240 мл вода). Важно е да не го преварите оризот.
2. Излупете ја тиквата, извадете ги семките и исечете ја на ситни коцки.
3. Ставете ја тиквата во тенџере, сипете го млекото и варете на средна топлина додека не омекне. Откако млекото ќе зоврие, оставете ја тиквата да врие околу 20 минути или додека не омекне. Времето на готвење може да варира во зависност од видот на тиквата, но клучно е да ја варите додека не омекне.
4. Сварената тиква се пасира во млеко, така што се прави пире. За овој чекор можете да користите блендер.
5. Во смесата од тиква и млеко додајте го сварениот ориз и убаво измешајте. Потоа додајте ги шеќерот, ванилин шеќерот и прстофат сол, па измешајте сè.
6. Традиционално, оваа каша од тиква се подготвува во глинен сад во печка. Сепак, можете да користите обично тенџере и рерна.
7. Подмачкајте го глинениот сад со малку путер. Додајте го преостанатиот путер во кашата и измешајте. Загрејте ја рерната на 180°C. Во неа ставете го покриениот глинен сад. За да избегнете истурање за време на готвењето, немојте да полните до врв.
8. Печете ја кашата во загреана рерна околу еден час. Кога ќе добиете растресита, ароматична каша, време е да ги послужите вашите гости!
Кашата е подготвена да уживате во неа.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче