Драчона од компири - мусака во староруски стил (РЕЦЕПТ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Драчона е јадење што го знаат сите жители на Русија, Белорусија и Украина. Се прави од секогаш достапни состојки - компири, јајца, кромид и сланина, но нејзиниот посебен вкус се создава кога ќе се измешаат на вистински начин.

Некогаш одамна драчоната била популарно јадење, но како што одминувало времето, по малку се губела во метежот на модерното време. Денес драчоната ни овозможува да вкусиме парче од кулинарското минато.

Драчоната ја споменува Сергеј Есенин во неговите песни како еден од симболите на рускиот селски живот. Во тоа време, дури и порано, драчоната се подготвувала во традиционални фурни во садови со дебели ѕидови, во кои се служела на трпезата.

Семејствата го подготвувале ова јадење за задушници, посебни денови посветени на споменот на починатите роднини. Луѓето го носеле дури и на гробишта. Некои семејства и денес го прават тоа.

Драчоната денес се служи обично како прилог со месо на разни прослави. Често ја подготвувам кога моето семејство ќе се засити од пржени компири и пире.

Состојки за 4 порции:

Олга Бровкина

• Компир – 4 пар.
• Кромид – 1 главица
• Сланина – 50 g
• Јајца – 1 пар.
• Стопен путер – 60 g
• Пченично брашно – 1 лажица
• Сол – 1 лажичка (или по вкус)
• Бибер – четвртина лажичка (или по вкус)
• Ким – 1 лажичка (по избор)

Начин на подготовка:

1. Најпрвин се сече сланината на ситни парчиња. Ставете ги во тавче и загрејте ја ринглата за полека да се топи сланината.

Олга Бровкина

2. Кога сланината ќе пушти малку маснотии, во тавата додајте го ситно исечканиот кромид. Пржете го додека не добие златножолта боја.

Олга Бровкина

3. Изрендајте сиров компир. Посипете го со брашно, сол и бибер. Добро измешајте.

Олга Бровкина

4. На компирот додадете кромид, сланина и маснотии од тавата.

Олга Бровкина

5. Убаво измешајте, па додајте го јајцето. Повторно измешајте сè добро.

Олга Бровкина

6. Загрејте ја рерната на 180°C.

7. Смесата истурете ја во подмачкан сад за печење и рамномерно распоредете ја.

8. Озгора посипете со ким.

Олга Бровкина

9. Попрскајте сè со стопен путер.

Олга Бровкина

10. Ставете во рерна и оставете да се пече 30-40 минути.

Олга Бровкина

11. Кога драчоната е готова, извадете ја од рерна. Некои сакаат да добие кафенка кора, но јас претпочитам да ја оставам со светложолта боја.

Олга Бровкина

12. Послужете ја топла со малку павлака. Пријатен апетит!

Олга Бровкина

При користење на материјалите на Russia Beyond задолжителен е хиперлинк до изворот од кој е преземен материјалот.