Зошто Романија се бореше против СССР во Втората светска војна?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Меѓутоа, СССР, Унгарија и Бугарија во меѓувреме зајакнаа, а не ги заборавија своите територијални претензии кон Романија. Под притисок на Берлин во 1940 година Романците им ја вратија Бесарабија на Русите, Јужна Добруџа на Бугарите и Северна Трансилванија на Унгарците.

Таканаречената „Голема Романија“ изгуби речиси 40% од своите територии и преку ноќ престана да биде „Голема“. И тогаш својата игра ја почнаа дипломатите од Третиот Рајх.

Германците ја искористија хаотичната ситуација во Романија и им предложија на Романците да учествуваат во претстојната поделба на СССР, во која Букурешт можеше да си ги врати не само Бесарабија и Северна Буковина кои ги презеде Москва, туку дури и да добие огромни територии на советска Украина сé до реката Днепар.

Романците се согласија да соработуваат со нацистите заради ветените територии на исток, а исто така се надеваа дека ќе се преиспита и припадноста на Северна Трансилванија.

Така, на 23 ноември 1940 година Романија стапи во воено-политичкиот сојуз на Германија, Италија и Јапонија. Унгарија веќе беше членка на овој сојуз, така што дојде до парадоксална ситуација во која двајцата непомирливи непријатели станаа сојузници и почнаа да дејствуваат заедно во интерес на Третиот рајх.