Дали навистина постоел Гогољовиот Пљушкин?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Пљушкин. Цртеж на А. А. Агин

Public domain

Постојат мислења дека Николај Василиевич Гогољ во ликот на својот јунак го прикажал познатиот историчар Михаил Погодин и дека дури и на имотот на својот скржав херој му дал сличност со куќата и градината на Погодин.

Михаил Петрович Погодин, портрет направен од Василиј Перов

Public domain

Постојат и други верзии за тоа кој послужил како прототип на ликот од „Мртви души“. Според една од нив, Пушкин му раскажувал на Гогољ за трговецот Пљушкин, чие име наводно го видел во продавница додека патувал низ Валдај. Презимето совршено му одговарало на ликот, па Гогољ, според оваа верзија, го искористил.

Би се рекло дека тоа е неважен детаљ, но неколку години по објавувањето на првиот том на „Мртви души“, сопственикот на продавница во Валдај добил син кој станал вистински Гогољов Пљушкин, но во позитивна смисла. 

Ф. М. Пљушкин со синот и нивната колекција

Public domain

Имено, Фјодор Михајлович Пљушкин собрал една од најголемите приватни колекции во Русија. Го интересирало буквално сè: ракописи, икони, медали, слики, личните работи на Суворов, поштенски марки. И не му пречело тоа што покрај навистина вредни предмети имало безначајни копии. За четириесет години, неговата колекција имала близу еден милион предмети!

Колекцијата можеле да ја видат сите. Пљушкин во својата куќа во Псков отворил музеј. Планирал да го продаде за 200 илјади рубли на Императорскиот руски музеј „Александар III“, но тоа не се случило. По смртта на Фјодор Пљушкин, неговата колекција ја купил царот Николај II за 100 илјади рубли. Денес се чува во Ермитаж, Рускиот музеј и Етнографскиот музеј, а дел од предметите сé уште се наоѓаат во Псков.

При користење на материјалите на Russia Beyond задолжителен е хиперлинк до изворот од кој е преземен материјалот.