Како изгледа споменикот на конструктивизмот по реставрацијата (ФОТОГРАФИИ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Од 1925 до 1935 година во Москва биле изградени 12 фабрики за леб.

Земјата гладуваше по револуцијата и граѓанската војна, па советската влада тежнееше да го оптимизира производството на леб. Беа применувани и најнапредните технологии, на пример, кружни фабрики за леб со прстенест транспортер проектирани од инженерот Георгиј Марсаков. Системот се засноваше на кружна фабричка лента со која процесот на печење леб се автоматизираше, а лебот се движеше во круг во фази, спуштајќи се низ кружниот ланец на транспортери, одозгора надолу. Првиот проект на Марсаков беше реализиран во 1931 година на улицата „Ходинскаја“ во Москва и беше означен со реден број 5. Функционираше сé до почетокот на 2000-тите.

Ова здание е вистински споменик на советскиот конструктивизам.

Цилиндричната композиција на фабриката е врамена со кули со скалила.

Реставрацијата беше завршена во 2022 година и ја одразуваше не само конструктивистичката архитектура, туку и подоцнежните трансформации на зградата што се случија во процесот на експлоатација и преминот од една историска ера во друга.

Сега во овој објект ќе биде сместен центар за проучување на конструктивизмот, прв од ваков вид во Русија.

Центарот го доби името „Зотов“ во чест на Василиј Зотов, министер за прехранбена индустрија на СССР, кој пред таа позиција беше едноставен пекар и кој ја организираше масовната изградба на фабрики за леб во Москва.