Украински граничар ранил руски државјанин на руска територија

Украински граничар отворил оган врз двајца жители на Ростовската област кои сакале да направат селфи на граничниот премин со Украина „Красна Таловка“. Еден од нив е ранет и префрлен во болница, соопшти управата на Федералната служба за безбедност на Русија за Ростовската област, а пренесува „ТАСС“.

Рускиот државјанин е ранет во гради. Пријателите го префрлиле ранетиот до соседниот руски премин  „Волошино“ и се обратиле до руските граничари за помош.

Ранетиот е префрлен во најблиската медицинска установа каде му е укажана потребната помош.

Од Пограничната служба на Украина ги негираа информациите и го нарекоа провокација соопштението на управата на ФСБ за Ростовската област.  

„Државната погранична служба на Украина официјално изјавува дека наведената информација  потполно не одговара на реалноста и е со исклучително провокативен карактер“, се вели во соопштението на сајтот на ДПСУ.   

Сите права ги задржува „Росијскаја Газета“.