МНР Украина ѝ се заканува на Русија со „сеопфатна“ тужба

Киев има намера да бара не само признавање на своите права, туку и компензација од Москва, изјави шефот на украинската дипломатија Павло Климкин.

Министерот за надворешни работи на Украина Павло Климкин изјави дека Киев до крајот на неделата ќе поднесе тужба против Москва.

„Таа се однесува на конвенцијата за поморско право и фактички е сеопфатна, затоа што вклучува такви фундаментални прашања како што е користењето на морското пространство, како што е нарушувањето на еколошката безбедност, како и објекти на културно наследство“, изјави Климкин во програмата на телевизијата „Ај-Си-Ти-Ви“, ветувајќи дека тужбата ќе биде „со многу големи размери“.

Според дипломатот, Киев има намера да бара не само признавање на своите права, туку и компензација од Москва.

Во моментов во Европскиот суд за човекови права има четири тужби од Украина против Русија. Во тужбите Киев бара компензација од Москва за настаните во Крим и Донбас, пишува РИА „Новости“.

 

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња