Руски градови со исти имиња. Дали сте слушнале за нив?

1. Советск

Советск во Калининградската област е вториот град по број на жители во овој регион. Се наоѓа на сливот на реките Тилжа и Неман и се граничи со Литванија.

Советск во Кировската област е мал уралски град кој исто така се наоѓа на слив на реки, овој пат на Пижма и Вјатка.

2. Благовешченск

Благовешченск во Амурската област се наоѓа преку реката од кинескиот град Хеихе, кој може да се види од брегот. Благовешченск е една од последните станици на Транссибирската железничка магистрала.

И Башкирија има свој Благовешченск. Станува збор за индустриски град кој е создаден во средината на XVIII век до фабрика за преработка на бакар. Се наоѓа недалеку од Уфа, главниот град на регионот.

3. Кировск

Градовите именувани по револуционерот Сергеј Киров се наоѓаат во Мурманската и Ленинградската област. Во Мурманската област, Кировск лежи во подножјето на планината Хибини зад Северниот поларен круг. Тоа е еден од најпопуларните скијачки центри во земјата.

Кировск во Ленинградската област е сателитски град на Санкт Петербург. Во него се наоѓа меморијален комплекс посветен на одбраната на Ленинград во Втората светска војна.

4. Приморск

Во малиот град Приморск во Ленинградската област зачувана е протестантската црква „Св. Марија Магдалена“, поранешна лутеранска црква од почетокот на XX век.

Свој Приморск има и Калининградската област, и тоа е еден од најмалите градови во Русија, но, сепак, со голем број убави куќи и улици.

5. Краснослободск

Името на овој град доаѓа од зборовите „краснаја“ и „слобода“, што значи убава населба. Во Русија два града го носат ова име. Едниот е во Мордовија, познат уште од средината на XVI век (до 1780 година се викал Краснаја Слобода).

А вториот е во близина на Волгоград. Тоа е неговиот сателитски град на спротивниот брег на реката Волга. Основан во 1870 година, и тој првично се викал Краснаја Слобода.