Зошто во многу градови во Русија парковите го носат името на писателот Максим Горки?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Паркот „Горки“ е веројатно најпознатиот парк во Москва. На почетокот на ХХ век на тоа место имаше градини и ѓубриште каде што се носеа секакви старудии. Тука, во 1922 година, болшевиците ја одржаа Серуската земјоделска изложба, а шест години подоцна решија да изградат парк за култура и одмор.

Паркот „Горки“ во Москва

Александар Авилов / Агенција „Москва“

Во паркот беше планирана и едукација за работниците. А во неговата изградба се вклучија архитектите Константин Мељников и Ел Лисицки, познати по својата авангардна ориентација во работата.

Верувале или не, првиот ден повеќе од сто илјади луѓе го посетија паркот. Алеите за пешачење ги красеа скулптури, а во паркот имаше модерни луна-паркови, простор за фискултура и танц, „читална“.

Паркот „Горки“ во Ростов на Дон

Паркот „Горки“ во Краснојарск

Во 1932 година паркот го доби името по најпознатиот советски писател Максим Горки, по повод четириесетгодишнината од неговото творештво. Писателот доаѓаше и одржуваше состаноци овде, иако имаше критички однос кон култот што се плетеше околу неговото име.

Паркот „Горки“ во Перм

Паркот стана модел по кој се градеа парковите и во другите градови во Советскиот Сојуз. Сите се проектирани слично: монументална централна порта, алеи, креативни зони, кафулиња, панорамски тркала и други видови забава.

При користење на материјалите на Russia Beyond задолжителен е хиперлинк до изворот од кој е преземен материјалот.