- Ве очекуваме на Телеграм-каналот https://t.me/rb_makedonija
- Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
- Вклучете го во пребарувачот „Show notifications“ (дозволи известувања) за нашиот сајт!
Чујска степа, република Алтај
Станува збор за меѓупланинска надолнина во југоисточниот дел на Алтајските планини, седумдесет километри долга набљудувачница за уживање во ѕвездените перформанси. Чујската степа се наоѓа далеку од цивилизација, затоа овде нема светлосно загадување. Недопрената степа е опкружена со планински венци од сите страни, што прави една од исклучителните предности на ова место, гледањето на расфрланите ѕвезди на небото со позадина од планински венци.
Legion Media
Оваа дестинација е високо оценета меѓу астрономските аџии. Туристичките агенции организираат тури за гледање ѕвезди овде. Локацијата се прочу по големиот број „моќни места“. На пример, во близина се наоѓа долината Јарлу или планината Белуха, највисокиот врв на Сибир (4506 м).
Мурманск, полуостров Кола
Од септември до април, околината на Мурманск станува најпопуларното место за набљудување на метеоролошките дождови и едно од најимпресивните природни феномени - поларната светлина.
Getty Images
Идеално место за запирање е селото Териберка, 120 километри од Мурманск, на брегот на Северниот леден океан. По премиерата на филмот на режисерот Андреј Звјагинцев „Левијатан“ (2014) номиниран за „Оскар“, селото во кое се одвива филмот стана туристичка мека.
Ловот на поларната светлина може да потрае неколку дена, но во Териберка има многу начини да се прекинат: гробишта на бродови, набљудување китови во морето, зимски риболов, разгледување на бескрајните волшебни арктички пејзажи.
Долен Архиз, Карачаево-Черкесија
Непогрешлива комбинација, со оглед на најголемиот телескоп во Русија - радиотелескопот РАТАН-600. Од 1966 година овде се наоѓа Астрофизичката опсерваторија на Руската академија на науките и тоа не е ни најмалку случајно. Ноќното небо на Кавказ се смета за најтемно во тој дел од светот, што е многу важно во набљудувањето на ѕвездите.
Legion Media
Најголемиот дел од телескопот е огромно огледало со дијаметар од 600 метри. Создаден е за проучување на Сончевиот систем, далечни објекти (галаксии и квазари), структурата на материјата, како и за потрага по „вештачки сигнали од вонземско потекло“.
Опсерваторијата може да ја посети секој што сака, со пријавување за обиколка во самата опсерваторија или со купување на аранжмани од агенциите кои, меѓу другото, нудат пешачки рути низ Архишката долина со запирања заради набљудување на ѕвездите.
Паркот Тхач, Република Адигеја
Ако преферирате ливади отколку каменити падини, тогаш вистински избор за вас се паркот на природата „Болшој Тхач“ и платото Лаго Наки се. Тука треба да се дојде од јуни до септември, кога времето е најпријатно за пешачење и набљудување на небото.
Legion Media
Низ паркот и платото минува една од најпопуларните советски туристички рути во северозападниот дел на Кавказ, создадена во триесеттите години на минатиот век. Денес се нарекува „еколошко-туристичка рута бр. 1“ (потребно е околу една недела да се помине).
За да ги набљудувате ѕвездите, доволно е едноставно да дојдете во паркот на природата. Пејзажот овде неодоливо потсетува на Доломитите, а за уживање во Млечниот пат има многу точки за набљудување, вклучувајќи ги и оние на височинките. Тоа може да го направите и од планината Болшој Тхач, која е висока 2368 метри.
Кримски полуостров
Крим им е добро познат на астрономите аматери во Русија бидејќи денес е едно од најпристапните места за набљудување на ѕвездите и вселенските тела. Двапати годишно, зиме и лете, Кримската астрофизичка опсерваторија организира „Астро-одмор“, серија мастер-класови, предавања и патувања за сите заинтересирани за ѕвездената тематика.
Global Look Press
Но, не е неопходно да се врзувате за „Астро-одморот“. На Крим има бројни еднодневни рути без ноќевање, како и места за неколкудневни патувања во сопствена режија. Покрај тоа, можете да одите на индивидуална турнеја и да ја видите една од најголемите опсерватории во Европа (на сајтот има детални информации на руски и англиски јазик), а во текот на денот да се опуштите на некоја од стотиците плажи на Крим.