Ељтон – најголемото солено езеро во Европа кое го сакале руските цареви

Станислав Казнов
Солената вода на езерото на југот на Русија и понатаму е високо ценета поради своите лековити својства. Таму можете да ги видите и остатоците од „капалиштето“ на царицата Екатерина Велика, старо 250 години.

Езерото Ељтон е најголемото солено езеро во Европа и едно од најголемите на светот. Се наоѓа на југот на Русија, во близина на границата со Казахстан.

Името на езерото потекнува од казашкиот јазик, од изразот „Алтин-Нор”, што значи „златно дно”. Од дамнешни времиња тамошните номади ја користеле езерската кал богата со минерали за лекување на кожата и респираторните органи.

Со векови езерото Ељтон било омилената дестинација на руските владетели и аристократи. Тука сѐ уште можат да се видат остатоците од „капалиштето“ на царицата Екатерина Велика.

Денес илјадници туристи од Русија и странство секоја година доаѓаат на езерото поради неговите лековити својства.

Се верува дека солената лековите кал во комбинација со солениот воздух лекува белодробни и дигестивни болести, кожни проблеми и нервниот систем.

Езерото Ељтон порано било еден од најголемите извори на сол во Русија. Луѓето од него почнале да извлекуваат сол во 16 век.

Меѓутоа, во 19 век оваа пракса е прекината. Се сметало дека солта од езерото Ељтон е премногу горчлива и дека содржи премногу нечистотија. Затоа луѓето се свртеле кон неговиот јужен сосед, езерото Баскунчак, од кое и денес се добива сол.

За жал, езерото е длабоко само неколку сантиметри, така што во него не може да се плива.

Сѐ што ќе се најде во неговата солена вода набргу се претвора во бела скулптура од сол и изгледа како да е замрзнато.

Среде лето водата во езерото станува црвена поради микроалгата Dunaliella salina.

Езерото Ељтон е совршено за прошетка, но задолжително треба да носите чевли, затоа што острите иглички сол можат да ја повредат кожата.

Прочитајте повеќе: 12 нетипични руски туристички дестинации

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња