„Луна-25“ ја направи својата прва снимка на површината на Месечината 📸

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Автоматската станица која се наоѓа во фаза на летање на орбитата на вештачкиот Земјин сателит ја сними површината на Месечината со телевизиски камери на системот СТС-Л.

Роскосмос

На снимката се гледа јужниот поларен кратер Земан на темната страна на Месечината. Координатите на кратерот се 75 степени јужна ширина и 135 степени западна должина.

Роскосмос

Кратерот Земан, невидлив од Земјата, е специфичен објект на површината на Месечината и предизвикува голем интерес кај истражувачите. Опкружен е со масив кој се издига 8 километри над релативно рамното дно.

Добиените снимки значително ги надополнуваат постоечките податоци за кратерот. Првата снимка на темната страна на Месечината ја направи во октомври 1959 година советската автоматска станица „Луна-3“.

„Луна-25“ ги изврши набљудувањата со помош на инструментите АДРОН-ЛР и ПмЛ, АРИЕС-Л. Беше измерено гама-зрачењето и неутронското зрачење на површината на Месечината, а беа добиени и параметри на вселенската плазма околу Месечината и егзосферата со гасовити честички во орбитата на Месечината.

При користење на материјалите на Russia Beyond задолжителен е хиперлинк до изворот од кој е преземен материјалот.