Според овие договори, во текот на наредните три години во Србија ќе биде изграден Центар за нуклеарна медицина врз база на циклотронски комплекс, како и објект за производство на радиофармацевтски лекови.
„Многу ни е драго што заедно со нашите српски партнери ги дефиниравме конкретните чекори и прелиминарните рокови за реализација на проектот, во кој ќе се користат иновативни руски нуклеарни технологии. Радиофармацевтскиот комплекс и центарот за нуклеарна медицина ќе обезбедат пристапност до високотехнолошка медицинска помош за граѓаните на Србија, која првенствено е насочена кон решавање на прашањето на борбата со онколошките заболувања“, изјави Алексеј Лихачев, генерален директор на државната корпорација „Росатом“.
Идниот центар значително ќе придонесе за развојот на Република Србија, во него ќе се применуваат најнапредни технологии: производство на радиоизотопи за медицински и индустриски цели, производство на легиран силициум за индустријата, давање услуги во одредувањето на составот на руди и минерали и примероци од животната средина.