Српската армија добива противтенковски комплекси „Корнет“

Ова го соопшти претседателот на Србија Александар Вучиќ минатата среда за време на инспекцијата на оружје и воена опрема на изложба по повод Денот на српското единство, слобода и национално знаме, објави Tango Six.

Интересно е што медиумите во земјата неодамна пишуваа за можноста за снабдување со израелски противтенковски ракетни комплекси (ПТРК) Spike LR2. Овој пат, сепак, тие воопшто не се споменуваат, пишува „Росијскаја газета“.

Најчести во српската армија наведувани средства за борба со оклопни возила во моментов се различните верзии на ПНРС „Маљутка“, кои, иако модернизирани, според повеќето карактеристики се инфериорни во однос на странските модели.

Што се однесува до „Корнет“ – тоа е еден од најбараните системи во својата класа на меѓународниот пазар на оружје.

Сега се создадени повеќе модификации со тандем боеви глави способни да пробијат оклоп до 1100-1300 мм со динамична заштита или армиран бетон до 3500 мм на растојание од 5000 до 10000 метри. Притоа е можно да се користат автоматски уреди што ги придружуваат целите.

Освен кумулативни верзии, има и високоексплозивни, фрагментарно-високоексплозивни и термобарични. Со нивна помош може да се уништат секакви утврдувања, да се уништи жива сила, како и да се соборат летала: авиони, хеликоптери и беспилотни летала.

Лансерите може да се инсталираат на разновидна техника, вклучувајќи оклопни возила, оклопни транспортери и борбени возила на пешадијата.

Експертите сметаат дека набавката на овие руски комплекси значително ги зголемува одбранбените можности на српските копнени сили.

При користење на материјалите на Russia Beyond задолжителен е хиперлинк до изворот од кој е преземен материјалот.