Popular Science: Русија го реши најголемиот проблем на подводното оружје

АДС може да се примени под вода и на суво, пишува Popular Science. Автомат е компактен и лесен благодарение на положбата на рамката со чкрапалото и употребата на пластика во неговата изработка. Може да се користи муниција со калибар 5.45×39 за АК-74 и подводна муниција 5.45 ПСП. „Подводниот куршум“ е долг челичен проектил кој е практично целиот скриен внатре во куршумот.

АДС има ожлебена цевка, регулатор на стрелба во вода и воздух, уникатен систем на одвод на барутните гасови и механизам за исфрлање на чаурите во насока спротивна од стрелецот. Ефективниот дострел во вода изнесува 25 метри, а на суво 600 метри. Новата верзија на АДС веќе е пуштена во сериско производство.

Американското списание изведува заклучок дека АДС запира диверзанти и под вода и на копно. Може да се користи и против животни обучени за воени задачи, на пример против морски лавови, делфини и белуги.

При користење на материјалите на Russia Beyond задолжителен е хиперлинк до изворот од кој е преземен материјалот.