Стари, ама опасни: Американските медиуми обрнуваат внимание на руските ракетоносни бомбардери

Ту-22М3

Ту-22М3

Вадим Савицки/Global Look Press
Сите руски бомбардери се направени уште во СССР, но и денес се опасни благодарение на модернизацијата и современото вооружување.

Американскиот весник „Национален Интерес“ направи список на руските стратешки бомбардери – носачи на ракети. Прв на списокот е тешкиот стратешки бомбардер Ту-95. Направен е во текот на 1950-тите. Има исклучително силни, но бучни мотори. Овој авион не може да се вброи меѓу тешко забележливите, но неговата предност е во тоа што може да носи огромен полезен товар. Работниот век на авионот со модернизацијата е продолжен до 2040-тите.

Ту-95

Следниот во низата е суперсоничниот ракетен бомбардер Ту-22М. Има променлива геометрија на крилата, така што е лесен за управување дури и при многу мали брзини. Ту-22М носи прилична количина бомби и развива брзина од 1,88 Мах. На опашката има двоцевен топ со калибар 23 мм на далечинско управување.

Ту-22М3

За суперсоничниот стратешки ракетоносен бомбардер Ту-160, познат како „Белиот лебед“, американскиот весник вели дека станува збор за вистински ѕвер кој соборил неколку светски рекорди. Ту-160 е најтешкиот бомбардер, може да носи 40 тони полезен товар, применува високопрецизни крстосувачки ракети со нуклеарни боеви глави и брзо достигнува максимална брзина од 2,2 Мах.

Ту-160

Авторот на статијата изведува заклучок дека многу руски ракетоносни бомбардери се стара техника, направена уште во Советскиот Сојуз, но сепак сé уште се исклучително смртоносни и опасни.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња