Научниците предвидуваат дека за пет години Русите ќе си печатат храна

Legion Media; Russia Beyond
Во наредните пет до седум години Русите ќе можат да си печатат храна на 3Д-печатач. И тоа не е сé – ќе бидат достапни и апарати, како на пример, правосмукалка.

Ваков развој на настаните најави на маргините на конференцијата „Иднината на човештвото и иднината на „зелената енергија“: здружени или спротивставени?“ Дмитриј Песков, специјален претставник на претседателот на Русија за прашања на дигиталниот и технолошки развој.

Како што истакна тој, храната веќе се печати, но засега нејзината употреба е ограничена. Да речеме, со помош на печатач се украсуваат торти. Меѓутоа, на големо се бараат решенија, и на крај, на пазарот масовно ќе се појават и евтини апарати.

Песков нагласи дека за масовно производство технологијата треба да се обедини со друг растечки тренд - производството на растително месо. Таквото печатење храна ќе придонесе за зелена транзиција, бидејќи за производство на прехранбени производи ќе се користат растителни компоненти.

Развојот на 3Д-печатач за храна е на патната мапа FoodNet на Националната технолошка иницијатива. FoodNet подразбира пазар на технологии, храна и услуги од областа на производство и потрошувачката на прехранбени производи. Се претпоставува дека руските компании со помош на иновативните технологии ќе можат да заземат значителен дел од пазарот.

Како рок за производство на храна на 3Д-печатач во домашни услови на патната мапа е означена 2028 година. Во индустриски размери желба за користење на споменатата технологија изрази компанијата KFC, која има намера да печати пилешки медалјони.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња