Историски настан: Над Балтичкото море првпат се сретнаа Су-30СМ и F-35A Lightning II (ВИДЕО)

Борбени Ефективи
Историската средба на двете борбени летала (од генерациите 4+ и 5) се случи над водите на Балтичкото Море во близина на воздушниот простор на Руската Федерација. Конкретно, во оваа средба учествуваа летала на руската дежурна ловечка ескадрила која во својот состав има повеќенаменски авиони-ловци Су-30СМ и летала од петтата генерација F-35A Lightning II, кои се наоѓаат во состав на италијанското Воено воздухопловство со база на аеродромот „Емари“ (Естонија.

Како што може да се види од видеото, руски авион наоружан со комплекс за ПЕБ „Хибини“ му се приближи на само неколку десетици метри на италијански ловец од петтата генерација F-35A Lightning II, кој оваа земја го набавила од САД, пренесува порталот „Борбени Ефективи“.

Кон крајот на април едно одделение ловци F-35A Lightning II на Военото воздухопловство на Италија слета во воздухопловната база Емари во Естонија во рамките на ротацијата на силите на воздухопловата компонента на НАТО која е задолжена за обезбедување на воздушниот простор над балтичките земји. Оваа ротација, која вклучува и ловци од петтата генерација, претставува прво распоредување на најмодерни борбени летала на НАТО во близина на руските државни граници, при што основната замисла е создавање дополнителен притисок врз Русија (западен оперативно-стратешки правец).

Што се однесува до ловецот F-35A Lightning II, во источните, а сé повеќе и во западните воено-стручни медиуми, проектот на овој авион, кој има голем број технички проблеми, се смета за стратешки неуспех на военоиндустрискиот воздухопловен комплекс на САД. Иако е вложена огромна сума пари во бројни преправки и модификации, во текот на неговата експлоатација и понатаму се појавуваат нови софтверски проблеми, се зголемуваат трошоците за одржување, се комплицира генералната борбена употребливост на леталото да одговори на целиот спектар на задачи за кои е наменето.

-----------------------------------------------------------------------------

F-35 е американски авион од петтата генерација. Неговото производство започна во 2006 година, а експлоатацијата во оперативните единици на Военото воздухопловство сили во 2012 година. Се произведува во три верзии: стандардна верзија за Военото воздухопловство на САД, верзија со скратено или вертикално полетување развиена за Маринскиот корпус и палубна верзија за единиците на Воената морнарица.

Су-30СМ е руски повеќенаменски суперсоничен борбен авион, кој се карактеризира со врвни летечко-технички карактеристики. Особено е опасно во блиска воздушна борба, при што е недостижен за повеќето странски конкуренти благодарение на исклучителните маневарски способности. Покрај тоа, овој авион е опремен и со радарска станица со зголемени способности, мотори со управлив вектор на потисок и пар предни хоризонтални крилја кои му даваат навистина импресивни летечки способности.

Овој авион е способен да носи широка палета на современо оружје од класата „воздух-воздух“ и „воздух-земја“. Благодарение на својата универзалност, овој авион може да се користи и како школско-борбено леталот за обука на млади пилоти на суперсонични авиони, бидејќи е двосед.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња