Руската флота добива „невидлива“ корвета

Артјом Ткаченко (CC BY-SA 4.0)
Корветата од проектот 20386 „Меркур“, која во моментов се гради во Санкт Петербург, ќе стане првиот брод на руската Воена морнарица целосно изграден според стелт-технологија. Се планира слабо видливата за непријателските радари корвета да се приклучи на флотата во 2022 година.

Како што соопштува РИА „Новости“, во рамките на стелт концептот, надворешните структури на корветата ќе имаат посебен облик, при што бројот на испакнати елементи ќе биде сведен до минимум. За време на изградбата на корпусот ќе се користат различни композитни материјали и специјални радиоапсорбирачки бои. Како резултат, на непријателските радари 100-метарската ракетна корвета „Меркур“ треба да се гледа како мал брод. Според информациите на изданието, корпусот на бродот веќе е целосно изграден.

Изградбата на главниот брод според проектот 20386 започна на 28 октомври 2016 година. Со декрет на врховниот командант на флотата, адмирал Владимир Корољов, пловилото беше именувано „Дерзки“ (Дрзок), но три години подоцна беше преименуван во „Меркур“.

Депласманот на бродот изнесува 3400 тони, неговата должина е 109 м, ширината 13 м, развива брзина до 30 јазли и може да помине до 5000 наутички милји со екипаж од 80 луѓе. Се претпоставува дека корветата ќе биде вооружена со 100-милиметарско артилериско орудие А-190, два 30-милиметарски автоматски топа АК-630М, противвоздушен ракетен комплекс „Редут“, противподморнични торпеда „Пакет-НК“ и противбродски крстосувачки ракети „Калибар“, пишува „Росијскаја газета“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња