На границата на возможното: Су-30СМ и Су-35 даваат поголеми можности во акробатските летови

Global Look Press
Командирот на „Руски витези“ Сергеј Шчеглов ги опиша извонредните можности на ловците Су-30СМ и Су-35.

Акробатската пилотска група „Руски витези“ ја одбележува својата 20-годишнина. По тој повод, нејзиниот командир Сергеј Шчеглов даде интервју за агенцијата ТАСС.

Су-30СМ

Тој, меѓу другото, раскажа дека ловците Су-30СМ и Су-35 им дале поголеми можности на пилотите. Тие авиони можат да го изведат и она што претходно се сметаше за критично.

„Претходно, „ковитот“ беше нешто на работ на возможното, а денес е сосем вообичаен маневар“, објасни командирот. „Авионите се многу добри, имаат големи можности, а нашата техника спаѓа меѓу најдобрите на светот“.

Шчеглов прецизираше дека Су-30СМ и Су-35 ја задржаа аеродинамиката на нивниот претходник Су-27, но добија помоќни мотори и современа авионика. Со тоа е проширен спектарот на нивната борбена примена.

Според него, новите авиони се „поблиски“ со пилотот. Тој веќе не мора да мисли дали ги пречекорил критичните параметри, т.е. напаѓачкиот агол и оптоварувањето.

Су-35

„Дури и во ситуации кога средствата за аеродинамично управување не се доволни, авионот вклучува контролиран вектор на потисок“, вели Шеглов.

Групата „Руски витези“ во 2019 и 2020 година доби ловци Су-35С од генерацијата 4++. Тоа во моментов е нивната најмодерна модификација. Пилотите мораа да поминат дополнителна обука за управување со овие авиони со големи маневарски можности.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња