„Според новата технологија, оклопот се создава со адитивен метод по пат на легирање на жица, а потоа на нејзино зајакнување со помош на дејство на ударни бранови“, изјавија за агенцијата РИА „Новости“ од Фондот за перспективни истражувања. Истовремено се истакнува дека цела низа военоиндустриски претпријатија е заинтересирана за овој проект.
Технологијата ја разви Брјанскиот државен технички универзитет заедно со Фондот за перспективни истражувања (ФПИ) и ја стави на располагање на руските фабрики кои произведуваат оклопна техника. Добиена со новата метода, оваа заштита е 15-30% полесна од хомогената и истовремено е поцврста. Покрај тоа, со правењето оклоп од жица значително се намалува потрошувачката на висококвалитетен челик.