Американците третираат руска крстосувачка ракета како „летечки Чернобил“

Youtube
САД ја повикуваат Русија да престане со развојот на „летечките Чернобили“, т.е. на крстосувачките ракети на нуклеарен погон. Според мислењето на Маршал Билингсли, специјален пратеник на американскиот претседател за контрола на вооружувањето, таквото оружје „воопшто не треба да постои“.

„Ние, искрено кажано, сметаме дека таквото оружје воопшто не треба да постои. Зошто е потребно да се има крстосувачка ракета со нуклеарен мотор и нуклеарна боева глава? Тоа не е ништо друго освен летечки Чернобил. Замислете колкава радијација ќе ослободува таа во текот на летот. Нема никаква логика која би ги оправдала тие системи на Судниот ден“, изјави тој на состанокот на Комитетот за надворешни работи на Сенатот на САД.

Билингсли, како што вели, им рекол на руските партнери дека тоа е „трошење на огромни средства“ и дека сличните проекти треба да се запрат.

Американскиот функционер притоа истакна дека хиперсоничното оружје што го прави САД ќе го изедначи односот на силите во Азиско-тихоокеанскиот регион.

На почетокот на јули Билингсли изјави дека проектите на руските ракети „Буревесник“ и „Посејдон“ се „ужасни“ и дека треба да бидат запрени.

Од друга страна, рускиот претседател Владимир Путин во февруари соопшти дека Русија продолжува со снабдување на сите родови на војската со најнови видови вооружување и техника, меѓу кои и со ласерски и хиперсонични системи.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња