Како и зошто Русија прави тешки длабоководни апарати без екипаж

Руски подводен автономен апарат без екипаж „Витез“

Руски подводен автономен апарат без екипаж „Витез“

Фонд перспективных исследований
Во Русија се работи на создавање тешки и супертешки длабоководни пловила без екипаж. Тие ќе извршуваат сложени и комплексни задачи како за воени цели, така и во интерес на цивилната наука.

Генералниот директор на Централното конструкторско биро за поморска техника „Рубин“ Игор Виљнит во интервју за агенцијата ТАСС раскажа над кои апарати сега работи неговото претпријатие. Конкретно, станува збор за лесните автономски пловила „Јунона“ и „Амулет“. Истовремено се усовршува „Клавесин-2Р-ПМ“, еден од најдобрите длабоководни апарати на светот. Новиот правец на развој се тешките и супертешките апарати.

„Нема сомнеж дека стимулансот за активирање на таквите работи беше спуштањето во Маријанскиот ров на апаратот без екипаж „Витез-Д“, кој исто така го направија стручњаците на „Рубин“. Овој апарат е специфичен по тоа што самостојно ги заобиколува пречките на кои наидува и може самостојно да излезе од ограничен простор.

За волја на вистината, треба да се истакне дека вистинските пионери во создавањето подводни апарати за големи длабочини беа стручњаците од Институтот за проблеми на поморските технологии во Владивосток. Тие долго време беа и водечки светски конструктори во оваа сфера – уште кон крајот на 1960-тите го проектираа и направија апаратот со скромен назив Л-2, а нему во наредните 30 години му немаше рамен ни во САД, ни во другите развиени земји кои се занимаваа со океанолошки истражувања“.

Прочитајте повеќе: „Витез“ на дното на Маријанскиот ров: Руски подводен апарат на најдлабоката точка на Земјата (ВИДЕО)

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња