Русите прикажаа сачмарка-дрон со која може класично да се пука, но е најопасна додека лета (ВИДЕО)

Marsonline (bog-rata.com)
Се работи за полуавтоматската сачмарка „Вепар“, интегрирана на склопливо беспилотно летало. Со неа може да се дејствува од стандарден стоечки став, но е многу поефикасна кога лета. Основната намена на дронот-сачмарка е борба против други беспилотни летала.

Се работи за летало тешко 23 килограми, со распон на крилата од три метри. На неговото тело е вклопена полуавтоматска сачмарка произведена од познатата руска фабрика за стрелечко оружје „Молот“, пишува Mars.online.

Во прашање е полуавтоматската карабинска сачмарка со калибар 12 мм „Вепар 12 Молот“ која е развиена на база на конструкцијата на познатата автоматска пушка „Калашников“. Пушката се полни со рамка која собира 10 патрони. Во овој случај, повлекувањето на чкрапалото се врши по електричен пат.

Според зборовите на конструкторите кои го развија ова летало, беспилотниот пресретнувач во себе ги обединува позитивните карактеристики на авионите и хеликоптерите. Тој му овозможува на операторот да добие податоци во реално време преку тв-камерите кои се наоѓаат на леталото. Неговата автономија изнесува и до 40 минути ефективен лет.

Дронот полетува практично вертикално. Полуавтоматската сачмарка „Вепар“, која користи муниција со сачма во комбинација со многу маневарбилна платформа, е многу поефикасно решение отколку да се примени класично стрелечко оружје кое дејствува со стандардна муниција.

Беспилотните летала се многу чувствителни на надворешни удари и оштетувања, така што понекогаш е доволно испуканата сачма едвај да го допре леталото, а тоа да изгуби контрола и незапирливо да почне да паѓа. Авторот понатаму наведува дека овој руски дрон-пресретнувач може да се употребува и во други задачи кои не се во директна врска со неговата основна намена.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња