ВИДЕО: Сириската армија си поврати свој неодамна изгубен тенк Т-90 од руско производство

Скриншот
При успешната ослободителна операција на сириската војска и нејзините сојузници, во текот на која повторно беше ослободен стратешки важниот град Саракиб кој се наоѓа на комуникацијата од витално значење М5, беше вратен и неодамна изгубен тенк Т-90.

Сириската армија успеа повторно да си врати основен борбен тенк Т-90 кој пред неколку дена падна во рацете на протурските бунтовнички формации при Втората битка за Саракиб. Овој момент го забележаа и локалните сириски новинари кои се затекнаа на местото.

Пред неколку дена сириските единици успеаја да изгубат еден тенк од овој тип во борбите со ХТШ. Меѓутоа, судејќи според сé, тенкот беше напуштен од страна на терористите бидејќи не знаеле како да го употребат.

Имено, се работи за тенк кој е технолошки значително понапреден од стандардните тенкови што се употребуваат во сирискиот конфликт како што се Т-55, Т-62 и Т-72. Интегрираната опрема (особено системот за управување со огнот) е посложена во однос на постарите модели тенкови, и за нејзино совладување е потребна специјалистичка обука.

Интересно е да се истакне дека Т-90 е оставен во практично неоштетена состојба (така барем се гледа на видеоматеријалот – заб. на авторот). Засега не е познато каква е состојбата во неговата внатрешност.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња