Воена вежба „Гром“: руската армија изведе удар со 15 крстосувачки и балистички ракети (ВИДЕО)

Ракетните напади беа реализирани од воените бродови на Тихоокеанската и Северната флота, како и бродовите на Касписката флотила. Во оваа вежба беа користени и оперативно-тактички комплекси „Искандер-М“ од составот на Источниот и Јужните воен округ. Покрај тоа, беше лансирана и интерконтинентална балистичка ракета „Јарс“ од космодромот „Плесецк“, додека стратешките бомбардери Ту-95МС изведоа ракетен удар врз цели поставени на Кома, пренесува интернет-порталот РГ.

Се претпоставува дека во стратешката командно-штапска воена вежба „Гром“ учествуваа околу 12 илјади војници и офицери, како и околу 310 единици борбена и специјална техника. Беа ангажирани и околу 15 ракетни бродови и пет подморници, повеќе од 100 авиони и хеликоптери, како и оперативнио-тактички ракетни комплекси „Искандер“ и стратешкиот „Јарс“.

Во пресрет на почетокот на оваа воена вежба се огласи и заменик-началникот на Главната команда за меѓународна воена соработка на РФ Евгениј Илин, кој рече дека овие маневри не се насочени против други земји.

Воената вежба „Гром-2019“ е насочена кон обезбедување подобар увид во степенот на обученост и борбената готовност на единиците за стратешка намена да одговорат ефикасно во услови на потенцијална агресија. Самата вежба не предвидува борба против конкретна држава или група држави“, рече рускиот генерал.

При користење на материјалите на Russia Beyond задолжителен е хиперлинк до изворот од кој е преземен материјалот.