Корпорацијата „МиГ“ детално ги откри карактеристиките на ловецот МиГ-35 од генерацијата 4++

Борис Кисов
Се работи за високо софистициран ловец со извонредни маневарски карактеристики и сирова сила генерирана од подобрените мотори. Авионот може да носи скоро 6,5 тони смртоносен товар, а неговиот систем за напад и навигација му овозможува да се бори против широк спектар на цели (воздух, копно, море) на кратки, средни и големи растојанија, без оглед на временските услови и времето на денот (ден/ноќ).

Како што соопшти корпорацијата „МиГ“,  новата 35-ка спаѓа во самиот технолошки врв на семејството авиони-ловци со ознаката „МиГ“:

 „Авионите МиГ-35 (едносед) и МиГ-35Д (двосед) се направени со широка примена на технологијата на ловците од петтата генерација. За сериско производство на овие летала е успешно пуштена во функција модернизирана производствено-технолошка база, со што е обезбедена можност за брзо склопување на овие авиони со задоволување на строгите барања кога е во прашање квалитетот“, се нагласува на официјалниот сајт на корпорацијата.

Во соопштението се наведува дека МиГ-35 е наменет за борба против воздушни цели, без разлика дали е ден или ноќ, и без оглед на временските услови. Покрај уништувањето воздушни цели, ловецот од генерацијата  4++ има и одлични бомбардерски карактеристики и може со голем успех да се употреби за дејство по копнени цели и површински бродови.

Според производителот, основните предности на овој авион се: намалена радарска рефлективност, четири пати посигурен систем на сите канали за управување, авионика од новата генерација, оптоелектронска станица за детекција и електронски визир на шлемот на пилотот за нишанење и индикација. Авионот исто така има и модерно информационо-командно поле на пилотската кабина кое се карактеризира со висок степен на автоматизација, пренесува интернет-порталот „Взгљад“.

МиГ-35 е опремен со нови мотори со зголемена сил на потисок. Овој авион има можност за полнење гориво во воздух со помош на специјални авиотанкери. Покрај тоа, авионите е уникатно унифициран во едносед и двосед варијантите кога станува збор за конструкцијата на трупот, комплексот на применетата опрема и главните извршни функции.

Корпорацијата ги објави и основните летечко-технички карактеристики на ловецот МиГ-35 од генерацијата 4++:

  • Екипаж - 1 или 2 пилоти
  • Максимална полетна тежина – 24500 кг
  • Максимална носивост - 6500 кг
  • Максималeн потисок на моторите – 18000 кгс
  • Максимална брзина – 2100 км/ч
  • Плафон на лет – 16000 м
  • Максимално оптоварување при експлоатација - 9G
  • Максимален долет – 3000 км

„На девет точки авионот може да понесе широк спектар на различно воздухопловно вооружување: наведувани ракети од класата „воздух-воздух“ со мал, среден и голем дострел, ракети од класата „воздух-земја/воздух-вода“ наменети за борба против копнени цели на непријателот и неговите површински бродови, високопрецизни и гравитациски воздухопловни бомби од 100-500 кг, ненаведувани ракети, воздухопловен топ калибар 30 мм“, наведува производителот.

Пред 20-ина дена генералниот директор на РСК „МиГ“ Иља Тарасенко рече дека започнало сериското производство на ловецот МиГ-35, како и дека за негова набавка е заинтересирана Малезија.

Прочитајте повеќе: Фантастичниот МиГ-35 на дофат на раката (ВИДЕО)

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња