Структурата на пиштолот „Лебедев“ (ВИДЕО)

Kalashnikov Media/Global Look Press
Компактниот пиштол „Лебедев“ (ПЛ-15К) е целосно дизајниран со употреба на дигитални технологии. Концернот „Калашников“ во краткиот видеоклип прикажува како се одвиваше процесот на конструирање на најновото стрелечко оружје.

Конструирањето на пиштолот чија електронска макета одговара на сите физички делови почна од разработката на „контролната структура“ на производот, а тоа се основните елементи (цевката, ракофатот), контурите и чкрапалото. Во оваа фаза се формира статичкиот изглед на производот и се проверува кинематиката на основните подвижни елементи.

Склопувањето на комплетниот производ се врши автоматски веднаш штом одреден дел ќе биде готов. Понатаму се врши анализа на пресекот во геометрија и динамиката на работењето на пиштолот, како и анализа на работната способност на подвижните механизми. Така, ПЛ-15К, чекор по чекор, го поприми својот конечен изглед.

Пиштолот „Лебедев“ беше пуштен во сериско производство оваа година. Оружјето е конструирано за калибар 9 милиметри со рамка од 16 куршуми (а моделот ПЛ-15К со рамка за 14 куршуми). Се претпоставува дека војската и другите вооружени структури ќе го користат овој пиштол наместо сегашниот пиштол „Макаров“. Како што соопшти весникот „РГ“, Росгвардија веќе го тестира најновото стрелечко оружје.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња