Руски експерт: Американскиот F-35 Lightning II е „Ајфон“ во однос на рускиот ловец Су-57

marsonline
Воениот експерт Андреј Фролов го нарече американскиот ловец од петтата генерација F-35 Lightning II „Ајфон“ во споредба со рускиот опонент Су-57. Толкав степен на „компјутеризација“ на еден борбен авион може да донесе повеќе штета отколку корист, според рускиот специјалист.

Специјалистот смета дека F-35 Lightning II е далеку „покомпјутеризиран“, што го прави поранлив. Според него, американскиот ловец по аналогија со „паметниот“ телефон може да се покаже како бескорисна играчка или куп прескапо железо доколку „постојано не е приклучен на Apple Store и прави редовни надградби“.

„Производителот на ова летало може во секој момент да го блокира системот со чија помош функционира овој авион. Можностите на Су-57 и понатаму се под превезот на тајната, но мислам дека тој не е во толкава мера компјутеризиран како F-35 Lightning II “, тврди рускиот воен експерт чии зборови пренесува интернет-порталот РИА „Новости“.

Фролов, исто така, смета дека F-35 Lightning II има многу конструкциски недостатоци кои не постојат кај рускиот ловец. На пример, F-35 Lightning II носи убојни средства на надворешните носачи, со што се намалува неговата „невидливост“, пренесува порталот „Бог-рата“. 

„F-35 е конструиран да биде универзален авион за сите три видови на американската војска - флотата, военото воздухопловство сили и Корпусот на морнаричката пешадија. Тоа значително влијаеше врз специфичноста на неговата конструкција, што севкупно земено не ги донесе саканите резултат“, заклучува Фролов.

F-35 е американски авион од петтата генерација. Неговото производство започна во 2006 година, а експлоатацијата во оперативните единици на военото воздухопловство во 2012 година. Се произведува во три верзии: стандардна верзија за военото воздухопловство на САД, верзија со скратено или вертикално полетување развиена за Корпусот на морнаричката пешадија, и палубна верзија за единиците на воената морнарица.

Прочитајте повеќе: Су-57 против F-35: Иако се работи за авиони од петтата генерација, меѓу нив постои битна разлика

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња