На „Рособоронекспорт“ и годинава му се смешка извоз на оружје во висина од 13 милијарди долари

Еден од главните извозни адути на руската воена индустрија – повеќенаменскиот ловец од генерацијата 4++ Су-35

Слободан Ѓукиќ
Според генералниот директор на државната компанија која се занимава со продажба на производната програма на руската воена индустрија, најголемиот извоз е остварен во земјите на Азиско-Тихоокеанскиот регион, Блискиот Исток и Северна Африка.

Русија планира и годинава да оствари обем на извоз на оружје, воена и специјална техника во висина од околу 13 милијарди американски долари. Ова во интервју за интернет-порталот ТАСС го изјави генералниот директор на „Рособоронекспорт“ Александар Михеев.

„За претходните три години Русија остваруваше извоз на оружје, воена и специјална техника во вредност од околу 15 милијарди американски долари на годишно ниво. Обемот на испорака на воена техника преку компанијата „Рособоронекспорт“ во 2018 година достигна цифра од 13,7 милијарди американски долари. Ние сме уверени дека и годинава можеме да оствариме сличен резултат“, рече Михеев.

Тој напомена дека најголемите извозни зделки се реализирани со земјите од Азиско-Тихоокеанскиот регион, Блискиот Исток и Северна Африка. Половина од вкупниот извоз (50%) сочинуваше воздухопловната техника, додека второто и третото место го зазедоа системите што ги користат единиците на копнената војска и средствата за противвоздухопловна одбрана (секоја по 20% од вкупниот извоз). Техниката што ја користат морнаричките единици ја зазеде четвртата позиција.

Прочитајте повеќе: „Севидечкиот Тигар“: Претставен концепт на современо борбено-извидувачко оклопно возило

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња