Како „западните“ медиуми ја видоа руската воена парада по повод Денот на Победата

Global Look Press
Западните новинари со големо внимание ја проследија Парадата на Победата што во четвртокот се одржа во Москва. Посебен впечаток им оставија ракетните ПВО-системи С-400 и, се разбира, интерконтиненталниот балистички систем „Јарс“.

„На воената парада посветена на 74-годишнината од победата над нацистичка Германија во Втората светска војна, учество зедоа 13000 војници и околу 130 единици воена техника. На чело на колоната со воената техника се појави познатиот тенк од времето на Втората светска војна Т-34-85, додека на крајот на ешалонот помина моќниот ракетен комплекс опремен со интерконтинентална балистичка ракета „Јарс“, ги пренесува своите импресии ABC News.

Во материјалот се нагласува дека на воената парада е претставена најсовремената воена техника која се наоѓа во вооружувањето на руската армија. Конкретно, се работи за тенковите од нова генерација Т-14 „Армата“ и ракетните противвоздушни системи со голем дострел С-400 „Триумф“, пренесува интернет-порталот РГ.

Од друга страна, Daily Mail обрнува внимание на новиот кабриолет Aurus. Новинарите на овој медиум нагласуваат дека автомобилот цело време бил во „параден режим“ кој го карактеризира бавна и изедначена брзина не поголема од 20 км/час. Тие напомнуваат дека за овој тип возила е заинтересирана Војската на Саудиска Арабија.

Прочитајте повеќе за Парадата на Победата во Москва 2019: Како изгледаше?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња