Шест извонредни советски моторни возила за лица со инвалидитет

1. КМЗ К-1В

Првото советско моторно возило за лица со инвалидитет се појави 1947 година и беше вистинска голтка свеж воздух за воените ветерани-инвалиди. 

Мотоциклот со приколка КМЗ К-1В, вистина, не беше идеално возило и често бараше ремонт. Возачите-инвалиди иронично го нарекува „Фала му на Хитлер“.

2. СМЗ С-1Л

Овој мини автомобил можеше да се управува само со раце, а постоеше и посебен модел за управување со една рака.

Поради единствениот преден фар СМЗ С-1Л меѓу народот беше познат како Киклоп.

3. СМЗ С-3А

Кон крајот на 50-те се појави СМЗ С-3А на четири тркала. Возилото беше тешко 425 кг и беше тоа вистински голтач на бензин - 1 литар на 20 км. За волја на вистината, тоа многу не ги загрижуваше возачите, затоа што бензинот тогаш не беше скап.

4. СМЗ С-3Д

Најпопуларниот автомобил за лицата со инвалидитет во Советскиот Сојуз беше СМЗ С-3Д, меѓу народот познат како „инвалитка“. Произведени се преку 230000 вакви автомобили. Инвалидите ги добиваа бесплатно. По две и пол години користење имаа право на бесплатен ремонт, а по уште толку можеа да го вратат старото возило и да добијат ново. Сѐ на државен трошок!

5. ЗАЗ 968

ЗАЗ 968 беше бучен и тесен, но возачите го ценеа затоа што се движеше по нерамен терен и беше лесен за поправка. Постоеја различни модели за различни видови инвалидитет.

6. СеАЗ-1111-01

Ова е еден од последните автомобили произведени во СССР и последен за лицата со инвалидитет. За разлика од претходниците, СеАЗ-1111-01 имаше удобен и широк салон. Возилото се произведуваше до средината на 2000-те.