Руските научници многу блиску до создавање препарат против сида

Global Look Press
Основата на препаратот ја сочинуваат наносуспензии кои полека, но сигурно делуваат против развој на инфекција на сида во организмот.

Во моментов се во тек тестирања на новата вакцина во Централниот научноистражувачки институт за епидемиологија на Федералната инспекција во сферата на заштита на правата на потрошувачите и доброто на човекот (Роспотребнадзор). Ако препарат успешно ги помине сите фази на испитувањето, оние на кои им е потребен ќе можат да го добијат веќе за четири години.

Новиот препарат ќе овозможи значително да се унапреди квалитетот на животот на носителот на инфекцијата. Меѓу другото, болните ќе добијат можност поквалитетно да се придржуваат до режимот на лекување и да не мораат секојдневно да примаат лекови. Имено, користењето на новиот препарат подразбира негово земање само еднаш месечно. Освен тоа, тој ќе го намали погубниот ефект од големата количина лекови кои денес ги примаат луѓето инфицирани со сида. Ова го објави рускиот весник „Известија”.

Како што е познато, основата на препаратот ја сочинуваат наносуспензии кои, кога ќе доспеат во организмот, се трошат многу бавно. Благодарение на тоа, меѓу другото, примената на препаратот ќе го направи лекувањето поефикасно и поекономично.

Претходно научниците во Русија успеаја да произведат ембриони кои се отпорни на вирусот ХИВ. Научниците од Медицинскиот универзитет „Пригоров” и од Истражувачкиот центар „Кулаков” успешно внесоа промени во гените уште во фаза на ембрион. Резултатите беа импресивни: 62% ембриони станаа отпорни на ова заболување.

Прочитајте повеќе: Руски научници направија човечки ембриони отпорни на вирусот ХИВ

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња